明報 – 3小時前
【明報專訊】香港保監會公布咗舊年全年新做長期業務（即係唔包括退休計劃業務）嘅保單保費，同2010年比較，上升咗19.5%至705億元。小琴發現頭五位同前年一模一樣。最標青嘅係中國人壽（2628），增長達到32％，雖然仍然排第五，但已追近同前四名嘅差距，大家估可能係因為人民幣保單大賣嘅緣故。
匯豐保險就無驚無險蟬聯保險一哥，中銀人壽雖然亦步亦趨，但仍然得個梗頸二。上年匯豐保險新做個人人壽保單仍然增長咗25％，中銀人壽只係增長23％。
至於英國保誠（2378）同友邦（1299）就繼續排第三同第四，增長亦唔及得兩間大銀行。
舊年股市被歐債危機搞到一仆一碌，投資相連保單自然滯銷，今次派成績表，投資相連保單只係輕微增長3％。
……..文章來源：按這裡